Embedded Files
Morning Routines of Successful Students
A good morning leads to a good day.
Sleep early, wake up early
Eat breakfast
Pack bags the night before
Review schedule for the day
Arrive at school with a smile
By: Journey Connect
Date: August 28, 2025
10 Ways to Be a Responsible Student
Comes to class on time
Brings all materials
Completes homework and assignments
Participates in class
Admits mistakes and learns from them
Helps classmates
Follows school rules
Keeps promises and commitments
Takes care of school property
Manages time wisely
By: Journey Connect
Date: August 28, 2025
ចំណុចគួរចងចាំ
1. ប៉េតប៉ោងអាចហោះបានគឺមិនអាស្រ័យពណ៌
2. ជម្រើសគឺជារបស់អ្នក
3. ខួរក្បាលមនុស្សប្រៀបបានដូចឆ័ត្រ វាដំណើរការនៅពេលបើកវាប្រើ
4. ធ្វើប៉ុនណាទទួលបានប៉ុណ្ណឹង
5. ទីបំផុតគ្មាននរណាម្នាក់ជួយយើង ក្រៅពីយើងជួយខ្លួនឯង
6. មនុស្សម្នាក់ៗមានការគិត និងយល់ឃើញខុសៗគ្នា
7. យើងអាចដឹកសេះ ទៅស្រះទឹកបាន ប៉ុន្តែយើងមិនអាចបង្ខំសេះឱ្យយផឹកទឹកបានទេ
8. ស្តាប់ឮ ឬមើលឃើញមិនប្រាកដថាពិត
9. ជោគជ័យមិនមែនធ្លាក់ពីលើមេឃទេ
By: Journey Connect
Date: August 21, 2025
តើអ្វីទៅជាក្តីបារម្ភដែលមាតាបិតា ឬអ្នកអាណាព្យាបាលសិស្សមានចំពោះសាលា?
1. គុណភាពអប់រំ :
សាលាប្រើប្រាស់កម្មវិធីសិក្សាអ្វី ហើយកម្មវិធីសិក្សានោះល្អប្រសើរដែរឬទេ?
លោកគ្រូ អ្នកគ្រូទទួលបានការបណ្តុះបណ្តាលគ្រប់គ្រាន់ និងពេញលេញដែរឬទេ?
លោកគ្រូ អ្នកគ្រូអាចពាំនាំនូវកម្មវិធីសិក្សានោះមកចែករំលែក និងបណ្តុះបណ្តាលដល់សិស្សានុសិស្សបានល្អ និងគ្រប់ជ្រង់ជ្រោយដែរឬទេ?
2. ការប្តេជ្ញាចិត្តរបស់លោកគ្រូ អ្នកគ្រូ :
លោកគ្រូ អ្នកគ្រូអាចគ្រប់គ្រងថ្នាក់រៀនបានល្អដែរ ឬទេ?
លោកគ្រូ អ្នកគ្រូយកចិត្តទុកដាក់លើសិស្សានុសសិស្សបានគ្រប់គ្នា និងពេញលេញដែរឬទេ?
3. ការទំនាក់ទំនង :
លោកគ្រូ អ្នកគ្រូផ្តល់ព័ត៌មានស្តីពីការសិក្សារបស់កូនៗដែរឬទេ?
លោកគ្រូ អ្នកគ្រូផ្តល់ព័ត៌មានស្តីអំពីព្រឹត្តការណ៍របស់សាលា និងបញ្ហាផ្សេងៗរបស់កូនៗដល់មាតាបិតា ឬអ្នកអាណាព្យាបាលដែរឬទេ?
4. សុខសុវត្ថិភាព :
សាលាមានប្រព័ន្ធគ្រប់គ្រង និងរក្សាសុខសុវត្ថិភាពជូនកូនៗសិស្សានុសិស្សបានដែរឬទេ?
5. គ្រឿងបរិក្ខារ និងធនធាន :
សាលាមានគ្រឿងបរិក្ខារ និងធនធានគ្រប់គ្រាន់សម្រាប់ការបង្ហាត់បង្រៀន និងបង្កបរិយាកាសសិក្សាដល់សិស្សានុសិស្សដែរឬទេ?
6. តម្លាភាព :
សាលាគ្រប់គ្រង ថែទាំ និងផ្តល់សេវាកម្មដល់មាតាបិតា ឬអ្នកអាណាព្យាបាល និងសិស្សានុសិស្សស្មើភាពគ្នាដែរឬទេ?
7. ការគ្រប់គ្រង និងការដឹកនាំ :
សាលារៀបចំ និងគ្រប់គ្រងបានពេញលេញតាមស្តង់ដារបច្ចេកទេសការងារ និងសាលាដែរឬទេ?
By: Journey Connect
Date: August 21, 2025
ហេតុផលខ្លះដែលអាចធ្វើឱ្យបរាជ័យ
1. មិនបានកំណត់គោលដៅឲ្យបានច្បាស់លាស់
2. មិនអភិវឌ្ឍខ្លួន
3. មិនចេះ ប៉ុន្តែធ្វើចេះ
4. មិនឈឺឆ្អាល
5. មានះ រឹងទទឹង
6. រុកកួន និងឈ្នានីស
7. គ្មានភាពអត់ធ្មត់ និងរអ៊ូមិនឈប់
8. សម្ភារនិយម
9. គ្មានភាពស្មោះត្រង់
10. គ្មានការទទួលខុសត្រូវ
By: Journey Connect
Date: August 9, 2025
របៀបរក្សាភាពវិជ្ជមាន ទោះបីស្ថិតក្នុងស្ថានភាពលំបាក
1. រក្សាស្នាមញញឹម
2. រៀនជំនាញថ្មីៗ
3. អានសៀវភៅ
4. ផ្តោតយកចិត្តទុកដាក់លើអ្វីដែលអ្នកអាចគ្រប់គ្រងបាន
5. រៀបចំគម្រោងផែនការណ៍រយៈពេលខ្លី និងវែង
6. ធ្វើឱ្យខ្លួនឯងរវល់
7. ចំណាយពេលនៅក្បែរមនុស្ស ឬអ្វីៗដែលវិជ្ជមាន
8. កុំបន្ទោសខ្លួនឯង ឬអ្នកដទៃ
9. កុំមានអារម្មណ៍ដូចជាជនរងគ្រោះ
By: Journey Connect
Date: August 9, 2025
ក្រុមហ៊ុនដែលជាទីប្រាថ្នារបស់បុគ្គលិកទាំងពួង
គ្រប់ម្ចាស់អាជីវកម្មទាំងអស់សុទ្ធតែចង់បានបុគ្គលិកមានសមត្ថភាព និងពូកែចូលរួម និងបំពេញការងារនៅក្នុងក្រុមហ៊ុនរបស់ខ្លួន ប៉ុន្តែការជ្រើសរើសបុគ្គលិកមានសមត្ថភាពវាមិនមែនជារឿងងាយស្រួលពេកទេ។ នាពេលបច្ចុប្បន្ននេះយើងមើលឃើញថាមានក្រុមហ៊ុនថ្មី ចាស់ជាច្រើនកំពុងដំណើរការ និងពង្រីកអាជីវកម្មរបស់ខ្លួនយ៉ាងសកម្ម និងខ្លាំងក្លា។ ដោយសារកំណើនក្រុមហ៊ុន ធ្វើឱ្យទីផ្សារការងារមានច្រើនសម្បូរបែប ដូចនេះអ្នកមានសមត្ថភាពមានជម្រើសច្រើនក្នុងការជ្រើសរើសក្រុមហ៊ុនដែលខ្លួនគួរចូលរួមបំពេញការងារជាមួយដោយពួកគាត់ធ្វើការសិក្សា ស្រាវជ្រាវច្រើនពីក្រុមហ៊ុននីមួយៗលម្អិត និងសុីជម្រៅមុននឹងសម្រេចចិត្ត។ ពិតណាស់ពួកគាត់ចង់ជ្រើសរើសក្រុមហ៊ុនល្អមួយសម្រាប់បន្តអាជីពការងាររបស់ពួកគាត់។
ក្រុមហ៊ុនដែលជាទីប្រាថ្នារបស់បុគ្គលិកទាំងពួងគួរមាន ៖
រចនាសម្ព័ន្ធត្រឹមត្រូវ
មានប្រព័ន្ធគ្រប់គ្រងច្បាស់លាស់
មានចរន្តការងារត្រឹមត្រូវច្បាស់លាស់
ការគ្រប់គ្រងដឹកនាំល្អ
បរិយាកាសការងារល្អ
ផ្តល់ប្រាក់បៀវត្សសមរម្យតាមទីផ្សារ
ទទួលបានអត្តប្រយោជន៍ល្អ
ផ្តល់ឱកាសក្នុងការឡើងតួនាទី
ទទួលបានឱកាសក្នុងការបណ្តុះបណ្តាល និងអភិវឌ្ឍខ្លួន
ការយកចិត្តទុកដាក់
ទទួលបានការឱ្យតម្លៃ
ទទួលបានការគោរព ។ល។
ការផ្តល់្របាក់បៀវត្សច្រើនតែម៉្យាងមិនគ្រប់គ្រាន់ និងអាចទាក់ចិត្តបុគ្គលិកល្អ និងមានសមត្ថភាពបានទេ ដូចនេះម្ចាស់អាជីវកម្មត្រូវផ្លាស់ប្តូវទំលាប់នៃការគ្រប់គ្រងបែបគ្រួសារ និងបុរាណខ្លះ និងត្រូវរៀបចំក្រុមហ៊ុនរបស់ខ្លួនឱ្យបានល្អដើម្បីអាចទាក់ទាញបុគ្គលិកល្អៗចូលរួមដំណើរបេសកកម្មជាមួយខ្លួនក្នុងការសម្រេចគោលដៅដែលខ្លួនបានកំណត់។
By: Journey Connect
Date: August 7, 2025
ចលនាចេញ-ចូលរបស់និយោជិតប៉ះពាល់អាជីវកម្មដែរឬទេ?
ចលនាចេញ-ចូលរបស់និយោជិតរមែងតែកើតមានគ្រប់ស្ថាប័នចៀសមិនផុត គ្រាន់តែក្រុមហ៊ុនខ្លះមានអត្រាចេញ-ចូលទាប ហើយក្រុមហ៊ុនខ្លះទៀតមានអត្រាខ្ពស់ វាអាស្រ័យលើយុទ្ធសាស្រ្ត និងប្រព័ន្ធនៃការគ្រប់គ្រងរបស់ក្រុមហ៊ុននិមួយៗ។
នៅពេលមានចលនាចេញ-ចូលរបស់និយោជិតកើតឡើងទោះទាប ឬខ្ពស់សុទ្ធតែអាចបង្កឱ្យមានផលប៉ះពាល់ដល់អាជីវកម្ម។ ផលប៉ះពាល់អាចរួមមាន៖
កិច្ចការខ្លះត្រូវរាំងស្ទះ ឬត្រូវចាប់ផ្តើមធ្វើឡើងវិញ
ចំណាយពេល និងថវិកាលើការជ្រើសរើសអ្នកថ្មីមកជំនួស
ចំណាយពេលវេលា និងថវិកាលើការបណ្តុះបណ្តាល
លទ្ធផលការងារទាបជាងមុនរហូតអ្នកថ្មីយល់ច្បាស់ និងសុីជម្រៅ ហើយអាចក្តាប់ការងារនោះបាន
លទ្ធផលការងារធ្លាក់ចុះអាចទាញចំណូលធ្លាក់ចុះផងដែរ
ប៉ះពាល់ទឹកចិត្តអតិថិជនខាងក្នុង និងខាងក្រៅ
ប៉ះពាល់វប្បធម៌ក្រុមហ៊ុន ជាដើម។ល។
By: Journey Connect
Date: August 7, 2025
10 កុំ
1. កុំមើលងាយខ្លួនឯង
2. កុំខ្វល់សម្តីអត់ប្រយោជន៍របស់អ្នកដទៃ
3. កុំមើលងាយ និងជិះជាន់អ្នកដទៃ
4. កុំបង្កើតលេសឥតឈប់
5. កុំបោះបង់
6. កុំឈប់អភិវឌ្ឍខ្លួន
7. កុំនៅក្បែរមនុស្សអវិជ្ជមាន
8. កុំសន្មតដោយគ្មានហេតុផល
9. កុំសេពគប់មនុស្សមិនស្មោះត្រង់
10. កុំចំណាយលើសចំណូល
By: Journey Connect
Date: July 3, 2025
Shakespeare បាននិយាយថាខ្ញុំតែងតែសប្បាយចិត្ត។ តើអ្នកដឹងថាមកពីហេតុអ្វីទេ? នេះមកពីខ្ញុំមិនដែលរំពឹងអ្វីមួយពីអ្នកដទៃ។ ការរំពឹងទុកអ្វីមួយពីអ្នកដទៃតែងតែបង្កើតការឈឺចាប់។ ពិតណាស់ជីវិតមនុស្សគ្រប់រូបគឺខ្លីណាស់ ដូចនេះចូរអ្នកគ្រប់គ្នាសប្បាយរីករាយ និងបង្កើតស្នាមញញឹមឱ្យបានច្រើន ហើយរស់នៅសម្រាប់ខ្លួនរបស់អ្នក។ ម្យ៉ាងសូមអ្នកទាំងអស់គ្នាចងចាំថា៖
មុននឹងនិយាយ ត្រូវស្តាប់
មុននឹងសរសេរ ត្រូវគិត
មុននឹងចំណាយ ត្រូវខិតខំរក
មុននឹងបួងសួង ត្រូវចេះអភ័យ
មុននឹងឈឺចាប់ ត្រូវឆ្លងកាត់
មុននឹងស្អប់ ត្រូវស្រលាញ់
មុននឹងបោះបង់ ត្រូវសាកល្បង
មុននឹងស្លាប់ ត្រូវតែរស់
By: Journey Connect
Date: July 3, 2025
Why is communication so important in the workplace?
It avoids confusion
It provides purpose
It builds a positive company culture
It creates accountability
It eliminates unnecessary problems
It promotes better performance
By: Journey Connect
Date: June 27, 2025
12 Tips for effective team communication
Give Your Whole Attention
Get a Team Communication App
Inform and Inspire
Practice Active Listening
Choose the Best Method of communication
Don’t Beat Around the Bush: Hit the points
Confident, Persuasive, and Patient
Use time wisely
Conduct team building activities
Show appreciation
Encourage two-way feedback
Having One-on-One Interactions
By: Journey Connect
Date: June 27, 2025
ហេតុអ្វីបានជាការជ្រើសសាលាសំខាន់សម្រាប់បុត្រធីតារបស់លោកអ្នក?
1. សាលាល្អផ្តល់នូវចំណេះដឹងពិតប្រាកដដល់កូនលោកអ្នក
2. សាលាមិនត្រឹមតែផ្តល់នូវចំណេះដឹងតែមួយមុខទេ តែវាផ្តល់នូវជំនាញ ភាពជឿជាក់ វិន័យ មេត្តាករុណា និងគុណតម្លៃជីវិត។
3. សាលាដែលមានបរិយាកាសគាំពារ និងគាំទ្រល្អអាចផ្តល់នូវអារម្មណ៍សុវត្ថភាព ការគោរព ភាពកក់ក្តៅ ដែលជកត្តាជម្រុញឱ្យមានការយកចិត្តទុកដាក់ដោយគ្មានការរំខាន
4. សាលាមានកម្មវិធីច្រើន និងសម្បូរបែបដែលសិស្សនុសិស្សមិនមែនរៀនតែអំពីតថភាពទេ តែជំនាញដោះស្រាយបញ្ហា ទំនាក់ទំនង និងការធ្វើការជាក្រុម។
5. សាលាមានការសហការល្អជាមួយមាតាបិតា និងអ្នកអាណាព្យាបាលសិស្ស
6. សាលាល្អមិនសំដៅលើសាលាដែលមានតម្លៃសិក្សាថ្លៃ ឬល្បីទេ តែជាសាលាដែលអាចផ្តល់ និងសាកសម និងត្រូវជាមួយតម្រូវការ និងសមត្ថភាពបុត្រធីតាលោកអ្នក។
រៀបរៀងដោយ JC
ថ្ងៃទី១២ ខែមិថុនា ឆ្នាំ២០២៥
គន្លឹះខ្លីៗនៃការជ្រើសរើសសាលាសម្រាប់បុត្រធីតារបស់លោកអ្នក
១. ទីតាំង : សាលាមានទីតាំងជិតផ្ទះ និងងាយស្រួលក្នុងការធ្វើដំណើរ។
២. ចុះទៅទីតាំងជាក់ស្តែង : ចុះទៅពិនិត្យមើលសាលាជាក់ស្តែងដូចជាទីធ្លាសាលា អនាម័យ សុវត្ថិភាព សោភណភាព ការយកចិត្តទុកដាក់ពីសំណាក់លោកគ្រូ អ្នកគ្រូ និងបុគ្គលិក
៣. ចំនួនសិស្សក្នុងថ្នាក់ : ការកំណត់ចំនួនសិស្សក្នុងថ្នាក់ច្រើនបំផុតប៉ុន្មាននាក់។ កាលណាមានចំនួនសិស្សច្រើនក្នុងថ្នាក់មិនសូវល្អទេ ដោយសារលោកគ្រូ អ្នកគ្រូអាចឆក់ល្វែងខ្លះក្នុងការគ្រប់គ្រង និងមើលថែសិស្ស។
៤. កម្មវិធីសិក្សា : ឆែកមើលថាតើកម្មវិធីសិក្សាថ្នាក់ជាតិ ឬអន្តរជាតិ ហើយវាសាកសមសម្រាប់បុត្រធីតារបស់លោកអ្នកដែរឬទេ។
៥. តម្លៃសិក្សា : ឆែកមើលតម្លៃសិក្សាសមរម្យ និងអាចទទួលយកបានដែរឬទេ។
៦. សកម្មភាពសិក្សា : សាលាបានបញ្ចូលសកម្មភាពសិក្សាបន្ថែមអ្វីខ្លះ។
៧. លោកគ្រូ អ្នកគ្រូ និងគណៈគ្រប់គ្រង : សមត្ថភាព និងបទពីសោធរបស់លោកគ្រូ អ្នកគ្រូ និងគណៈគ្រប់គ្រង។
៨. គោលការណ៍សាលា : ពិនិត្យមើលគោលការណ៍របស់សាលាល្អ និងសមស្របនឹងតម្រូវការរបស់លោក លោកស្រីដែរឬទេ។
៩. ប្រៀបធៀប : ជ្រើសរើសសាលាពីរ ឬបីមកធ្វើការប្រៀបធៀប និងផ្ទៀងផ្ទាត់ជាមួយមួយគ្នា។
រៀបរៀងដោយ JC
ថ្ងៃទី១២ ខែមិថុនា ឆ្នាំ២០២៥
រឿងអប់រំខ្លី : រឿងគ្រាប់ឃ្លី និងស្ករគ្រាប់
មានព្រឹកថ្ងៃមួយក្មេងប្រុសម្នាក់បានចេញមកលេងនៅសួនច្បារខាងមុខផ្ទះ ហើយគាត់ក៏បានជួបជាមួយក្មេងស្រីអ្នកជិតខាងរបស់គាត់នៅទីនោះ។ បន្ទាប់ពីជជែក និងលេងជាមួយគ្នាអស់មួយសន្ទុះធំ ក្មេងប្រុសនោះបានប្រាប់ក្មេងស្រីថាគាត់មានគ្រាប់ឃ្លីស្អាតៗជាច្រើននៅផ្ទះ ហើយក្មេងស្រីក៏បានប្រាប់ក្មេងប្រុសនោះវិញថាគាត់មានស្ករគ្រាប់ផ្អែមឆ្ងាញ់មួយចំនួននៅផ្ទះផងដែរ។ ពេលនោះក្មេងប្រុសប្រាប់ក្មេងស្រីថាគាត់នឹងយកគ្រាប់ឃ្លីនៅផ្ទះទាំងអស់មកប្តូរយកស្ករគ្រាប់របស់ក្មេងស្រីទាំងអស់។
ពួកគាត់បានឯកភាពគ្នា ហើយបានត្រឡប់ទៅផ្ទះវិញរៀងៗខ្លួនដើម្បីយកគ្រាប់ឃ្លី និងស្ករគ្រាប់មកដោះដូរគ្នាតាមការឯកភាព។ ក្មេងស្រីបានយកស្ករគ្រាប់ទាំងអស់ប្រគល់ឱ្យក្មេងប្រុស តែដោយឡែកក្មេងប្រុសនោះវិញបានយកគ្រាប់ឃ្លីមួយចំនួនមក ហើយទុកគ្រាប់ឃ្លីស្អាតៗមួយចំនួននៅផ្ទះ។ នៅពេលយប់ក្មេងស្រីបានដេកលុងលក់យ៉ាងស្រួល និងស្កប់ស្កល់ ចំណែកក្មេងប្រុសនោះវិញដេកមិនលក់ បក់មិនល្ហើយ ពីព្រោះគាត់គិតថាក្មេងស្រីនោះប្រហែលជាមិនបានឱ្យស្ករគ្រាប់ទាំងអស់ឱ្យគាត់ទេ គាត់ប្រហែលជាលាក់ទុកខ្លះដូចដែលខ្លួនបានធ្វើមកលើក្មេងស្រីនោះ។ ក្មេងប្រុសខ្វាយខ្វល់ និងគេងមិនលក់ពេញមួយយប់។
ក្នុងរឿងនេះបានបង្ហាញ និងបង្រៀនយើងថា ភាពស្មោះត្រង់ប្រាកដណាស់ វាប្រហែលជាមិនអាចធ្វើឱ្យយើងក្លាយជាអ្នកមានបានទេ ប៉ុន្តែវាធ្វើឱ្យយើងដេកស្កប់ស្កល់ ហើយតម្លៃដ៏អស្ចារ្យរបស់វា គឺមានតម្លៃមិនអាចកាត់ថ្លៃបាន ព្រោះវាជួយសាងនូវទំនុកចិត្ត សេចក្តីគោរព ស្រឡាញ់ និងឱកាសទទួលបានការងារ ជំនួញ និងកិច្ចការសំខាន់ៗជាច្រើនលើសពីការរំពឹងទុករបស់យើងទៅទៀត។ ចំណែកមនុស្សដែលគ្មានភាពស្មោះត្រង់រមែងតែមានចិត្តខ្វាយខ្វល់ នៅមិនសុខ បក់មិនល្ហើយ និងកើតក្តីសង្ស័យមិនឈប់។ ជួនពេលខ្លះគាត់រវើរវាយ ហើយបង្កើតសាច់រឿង និងចោទអ្នកដទៃទាំងទទឹងទិស និងគ្មានមូលដ្ឋានថែមទៀតផង។
រៀបរៀងដោយ JC
ថ្ងៃទី៣ ខែមិថុនា ឆ្នាំ២០២៥
រឿងអប់រំខ្លី : រឿងពែងកាហ្វេ
មានមិត្តភក្តិមួយក្រុមបានបង្កើតកម្មវិធីជួបជុំមួយ ក្រោយពីខកខានជួបជុំគ្នាអស់ជាច្រើនខែឆ្នាំ។ ពួកគាត់បានសម្រេចជ្រើសរើសយកផ្ទះរបស់លោកគ្រូរបស់គាត់ជាកន្លែងធ្វើពិធីជួបជុំ។
ក្នុងពិធីជួបជុំពួកគាត់បានជជែកគ្នាយ៉ាងសប្បាយក្អាកក្អាយ ហើយពួកគាត់ក៏បានរៀបរាប់ពីបច្ចុប្បន្នភាពរបស់ខ្លួន។ អ្នកខ្លះធ្វើការនៅក្រុមហ៊ុនលំដាប់អន្តរជាតិ ខ្លះទៀតធ្វើការក្នុងជួររដ្ឋាភិបាលមានឋានៈតួនាទីខ្ពស់ ហើយខ្លះទៀតធ្វើមុខជំនួញ និងមានក្រុមហ៊ុនពីរបី និងបានរៀបការ និងមានប្រពន្ធ/ប្តី កូនជាដើម។ល។ ក្រោយការជជែកគ្នាយ៉ាងសប្បាយ ពួកគាត់ហាក់ប្រែទឹកមុខ ហើយក៏រៀបរាប់ពីការលំបាក និងបញ្ហាស្រ្តេសផ្សេងៗ។ ឃើញស្ថានភាពដូចនោះ លោកគ្រូក៏បានឱ្យភរិយារបស់គាត់ឆុងកាហ្វេជូនពួកគាត់ដើម្បីពិសា។ ១៥នាទីក្រោយមក ភរិយារបស់លោកគ្រូបានលើកកាហ្វេមកដល់ តែអ្វីដែលគួរឱ្យកត់សម្គាល់នោះគឺពែងកាហ្វេទាំងអស់មិនដូចគ្នាទេ ពែងខ្លះស្អាតដូចកែវចរណៃ ពែងខ្លះជាពែងពរ្សឺឡែន ពែងខ្លះទៀតមានតម្លៃថ្លៃ ហើយក៏មានពែងធម្មតា និងមានតម្លៃថោកផងដែរ។ សិស្សទាំងអស់គិតថាប្រហែលជាអ្នកចូលរួមច្រើនក្នុងថ្ងៃនេះ ដូចនេះផ្ទះលោកគ្រូមិនមានពែងកាហ្វេដូចគ្នាច្រើនដើម្បីដាក់កាហ្វេជូនពួកគាត់ទេ ប៉ុន្តែអី្វដែលគួរឱ្យកត់ សម្គាល់នោះគឺពួកគាត់រើសយកតែពែងកាហ្វេដែលស្រស់ស្អាត និងមានតម្លៃតែប៉ុណ្ណោះ ហើយពែងកាហ្វេដែលមិនស្អាត និងគ្មានតម្លៃគឺបន្សល់ទុកនៅលើតុដោយគ្មានអ្នកយកមកទទួលទានឡើយ។ ឃើញដូចនេះ លោកគ្រូក៏ពោលពាក្យថា «ម្នាក់ៗរើសយកតែពែងស្អាត» នេះជាហេតុផល និងជាប្រភពនៃបញ្ហា ការមិនសប្បាយចិត្ត និងកើតស្ត្រេសជាដើម។ល។ ដែលអ្នកទាំងអស់កំពុងមាន និងជួបប្រទះ។ ម្នាក់ៗស្រឡាំងកាំងដោយសារមិនយល់នូវសម្តីដែលលោកគ្រូបាននិយាយ។ ឃើញដូចនោះ លោកគ្រូក៏បានបន្តថា «ពែងកាហ្វេ វាមិនមានគុណតម្លៃខ្លាំងមកលើកាហ្វេទេ វាគ្រាន់តែជាគ្រឿងលម្អនៅខាងក្រៅតែប៉ុណ្ណោះ»។ ជីវិតរបស់យើងម្នាក់ៗប្រៀបបានដូចជាកាហ្វេ ហើយលុយកាក់ ទ្រព្យសម្បត្តិ ការងារ និងតួនាទី ប្រៀបបានទៅនឹងពែងកាហ្វេ។ អ្វីដែលយើងចង់បានពិតប្រាកដគឺកាហ្វេ មិនមែនពែងកាហ្វេទេ។ មានន័យថាយើងទាំងអស់គ្នាខិតខំប្រឹងប្រែងរាល់ថ្ងៃគឺចង់បានជីវិតមួយដ៏ល្អ មានសេចក្តីសុខ និងមានន័យ មិនមែនគ្រាន់តែបង្ហាញគ្រឿងលម្អខាងក្រៅឱ្យគេឃើញ តែធាតុពិតជីវិតគ្មានន័យ និងគ្មានសេចក្តីសុខអ្វីទាល់តែសោះនោះឡើយ។
ចូររស់នៅដោយសាមញ្ញ មានពេលវេលាជួបជុំពុកម៉ែបងប្អូន និងមិត្តភក្តិ។ ជាពិសេសមានពេលអង្គុយញាំកាហ្វេជជែកគ្នាលេងពីនេះ ពីនោះ។
រៀបរៀងដោយ JC
ថ្ងៃទី៥ ខែមិថុនា ឆ្នាំ២០២៥
រឿងអប់រំខ្លី : រឿងកូនប្រុសអភិជន
មានថ្ងៃមួយបុរសអភិជនម្នាក់បានសម្រេចនាំកូនប្រុសរបស់ខ្លួនទៅដើរកម្សាន្តនៅទីជនបទដាច់ស្រយាលដើម្បីបង្ហាញកូនគាត់ពីការរស់នៅរបស់ប្រជាពលរដ្ឋក្រីក្រក្នុងគោលបំណងឱ្យកូនដឹងថាគាត់ពិតជាសំណាងណាស់ដែលមានឪពុកមានទ្រព្យសម្បត្តិស្តុកស្តម្ភ។ បន្ទាប់ពីឪពុក និងកូនបានស្នាក់នៅទីជនបទចំនួនបីថ្ងៃជាមួយនឹងគ្រួសារកសិករក្រីក្ររួចមក ពេលតាមផ្លូវត្រឡប់មកផ្ទះវិញឪពុកក៏បានចោទសួរកូនរបស់ខ្លួនថា តើកូនបានស្វែងយល់ និងរៀនសូត្រអ្វីខ្លះពីដំណើរកម្សាន្ត និងការស្នាក់នៅជាមួយនឹងគ្រួសារកសិករលើកនេះ?
កូនប្រុសបានឆ្លើយថាខ្ញុំមើលឃើញថាយើងមានអ្នកបម្រើ ៣-៤ នាក់ចាំបម្រើយើង ខណៈដែរពួកគាត់បម្រើអ្នកដទៃ។ យើងមានសត្វឆ្កែមួយក្បាល ប៉ុន្តែពួកគាត់មានបួនក្បាល។ អំពូលភ្លើងក្នុងសួនច្បាររបស់យើងទាំងអស់សុទ្ធតែត្រូវទិញយកមករៀបចំ ប៉ុន្តែពួកគាត់មានផ្កាយពេញមេឃនៅពេលយប់។ ពួកយើងទិញម្ហូបអាហារ ក៏ប៉ុន្តែពួកគាត់ដាំដុះខ្លួនឯង។ យើងមានអាងហែលទឹកនៅក្នុងសួន ប៉ុន្តែពួកគាត់មានស្ទឹងដ៏ស្រស់ស្អាត និងវែងអន្លាយ។ ផ្ទះយើងមានជញ្ជាំងបិទបាំងដើម្បីការពារ ប៉ុន្តែពួកគាត់មានញាតិមិត្តក្នុងភូមិផងជារបងការពារ។ កូនប្រុសបានបន្ថែមចុងក្រោយថាអរគុណណាស់លោកប៉ាដែលបានបង្ហាញឱ្យខ្ញុំដឹងថាគ្រួសារយើងក្រីក្រណាស់។
អ្នកមានពិតមិនអាស្រ័យលើទ្រព្យសម្បត្តិស្តុកស្តម្ភតែមួយមុខទេ តែវាក៏រួមផ្សំនឹងការរស់នៅប្រកបដោយ ចិត្តមេត្តា ករុណា សន្តោះប្រណី ហើយមានញាតិមិត្តប្រុសស្រីក្មេងចាស់មិនថាទីជិត ឬទីឆ្ងាយរាប់អាន និងយកអាសារគ្នាទៅវិញទៅមកផងដែរ។ សូមរស់នៅដោយភាពសុច្ចរិត និងប្រតិបត្តិតែអំពើល្អ ដូច្នោះយើងនឹងទទួលបានសេចក្តីសុខទាំងផ្លូវចិត្ត និងផ្លូវកាយសប្បាយរីករាយ។ នេះទើបជាអ្នកមានពិតប្រាកដ។
រៀបរៀងដោយ JC
ថ្ងៃទី៦ ខែមិថុនា ឆ្នាំ២០២៥
Page updated
Google Sites
Report abuse